Britannia Superior
| Math | Talaith Rufeinig  |
|---|---|
| Prifddinas | Llundain |
| Daearyddiaeth | |
| Rhan o'r canlynol | Britannia |
| Gwlad | Rhufain hynafol |
| Cyfnod daearegol | yr Ymerodraeth Rufeinig |
Talaith Rufeinig ar Ynys Prydain oedd Britannia Superior. Roedd yn un o'r ddwy dalaith a grewyd tua 197 OC, pan rannodd yr ymerawdwr Septimius Severus dalaith Britannia yn ddwy; y dalaith arall oedd Britannia Inferior.
Roedd prifddinas Britannia Superior yn Londinium (Llundain), ac roedd yn cynnwys rhan ddeheuol Lloegr a'r cyfan o Gymru. Yn Efrog yr oedd prifddinas Britannia Inferior, oedd yn cynnwys rhan ogleddol Lloegr, ond nid oes sicrwydd ymhle yr oedd y ffîn rhwng y ddwy dalaith.
Tua 293, dan yr ymerawdwr Diocletian, rhannwyd talaith Britannia Superior yn ddwy: Britannia Prima a Maxima Caesariensis. Roedd Britannia Prima yn cynnwys Cymru a gorllewin Lloegr, gyda phrifddinas yn Cirencester, tra'r oedd Maxima Caesariensis yn cynnwys de-ddwyrain Lloegr, gyda'r brifddinas yn Londinium.
Llywodraethwyr
[golygu | golygu cod]- Tiberius Julius Pollienus Auspex, 223-226
- Caius Junius Faustinus Postumianus, tua 227-235
- Rufinus, dim manylion pellach
- Marcus Martiannius Pulcher
- Titus Desticius Juba, 250au